سطور من روايات لم تُكتَب

الثلاثاء، يوليو 24، 2007

امنيه

في الطريق للقائِكِ سرت بمحاذاة البحر و نظرت للسماء السوداء فلمحت شهابا يحترق و تمنيت ان تصبحي لي يوما ما

الخميس، يوليو 05، 2007

معلومات أكيده

مقلتلكش قبل كده ان البحر الهادى ساعات بيخوفنى

زى الأغنيه تمام

و مقلتلكش كمان انى بحبك قد البحر و بس

عارف ليه؟

عشان البحر تمام زى البنى آدمين..

مجنون!

ساعات فرحان و ساعات ثاير غضبان


دايما مليان حكايات و حاجات يا ما كتير

دايما مش ثابت على حال

بين مد و جزر و موج طالع نازل واقف

مليان أسرار


براح جايز محدود بس كبير

مبتقدرش تلمس آخره من كتر ما هوه بعيد

و مبتقدرش تضمه كمان

حر ماهواش مستعبد

ميطيقش الحبس و لا السجان


فهمت ليه حافضل احبك

مش قد الدنيا و لا الكون

قااد البحر و بس

بحر أزرق دافى كبير

فرحان مليان حواديت

لكن على طول مجنون