حالة مزاجية

- انت عارف إن ده عادي في حالتك، مفروض دلوقتي إنك عندك فكرة عن مرضك
- يعني أعرف إزاي الشفاء من النكسة؟
- مافيش حاجة اسمها الشفاء وانت عارف إن إللي في حالتك بالذات نادراً ما بيخفوا بالكامل من الاكتئاب
- أمال أنا بأجيلك ليه؟ بأعري نفسي قدامك ليه؟ بأتكلم ليه؟
- عشان التحسن، مش الشفاء
- يعني بعد كل لحظة فرح استني النكسة؟
- ما تاخدش الأمور بالشكل ده، لأن تقلب المزاج حاجة طبيعية في حالتك
- "تقلب المزاج"؟ لخصت أزمتي كلها في كلمة "تقلب المزاج"؟
- أنا بأفكر أغيرلك الدوا، انت بتاخد إيه دلوقت؟
- ....
- فيه دوا جديد في السوق، جربه
- وهو كمان يجربني ويقول لأصحابه السبعة إللي جربوني قبل كدة
- مش اتفقنا انك تعبر عن مشاعرك من غير سخرية؟
- اتفقنا بس دلوقتي ماليش مزاج

سطور من رواية: "لست أنا من فعلها"